Loksins kom afísingarbíllinn!
Hörður átti enn einn stórleikinn á laugardaginn! Ætli krullurnar hafi ekki verið að gera gott mót? Þeir unnu leikinn og spilaði Hörður 33 mínútur(af 40), var með 18 stig, 6 fráköst og 5 stoðsendingar! Er endalaust stolt af honum.. Liðið sem þeir unnu er í 3 sæti í deildinni en liðið okkar er í 16 sæti af 18! Svo þessi sigur var extra sætur. Fyrir leikinn var sagt að 3 daga frí væri mögulegt ef þeir myndu vinna leikinn. Svo ég var búin að redda miðum til ÍSLANDS. Strax eftir leikinn var pakkað í töskur, ég kláraði að læra og brunað til Frankfurt í næsta flug sem var í hádeginu á sunnudeginum. Ferðin gekk vel, vorum komin til Frankfurt á góðum tíma. Vorum meira að segja komin um borð í vélina á undan áætlun og allt var að ganga upp! Við endum á að sitja um borð í 4 tíma þar sem Þjóðverjar hafa greinilega aldrei séð snjó eða frost áður og beðið var eftir afísingu á vélina!! Mig langaði að grenja! Sitja inní vél og geta ekkert gert! Hörður átti upphaflega að ná 16 tímum á íslandi en endaði í rétt 12 tímum... Það var samt vel þess virði að ná að borða hátíðarmat með fjölskyldunni og smakka smákökur frá mömmu. Hörður ákvað svo að skilja mig eftir á íslandi og vill helst að ég verði hérna jól og áramót með fjölskyldunni. Finnst agalegt að skilja hann eftir einan úti! En hann er víst á fullu á æfingum og í leikjum alla dagana svo það er ekki séns að fá neitt frí. Svo við sjáum hvað ég geri! Þetta líf á sér nefnilega leiðnlegar hliðar eins og þessar en sem betur fer eru þessar hliðar ekki margar.
Þó að það sé ekki langt frí um jólin hjá þeim erum við mjög heppnar að fá sumarið sem t.d. margar konur fótboltamanna kvarta yfir! Alltaf hægt að gera jólin kósý saman :)
ReplyDeleteJá það er alveg rétt hjá þér Edith :) Verðið þið í Svíþjóð um jólin?
ReplyDelete